Ба қисме аз сокинони ноҳияи Синои шаҳри Душанбе муддати як шабонарӯз – аз соати 22:00-и рӯзи 20 декабр то соати 24:00-и рӯзи 21 декабр интиқоли оби нӯшокӣ қатъ мешавад.
Бино ба маълумоти дафтари матбуоти мақомот шаҳрдории пойтахт, қатъи таъмини об бинобар сабаби васли қубурҳо бо хатҳои амалкунандаи интиқоли об дар иншооти «Навсозии роҳи мошингарди Душанбе – Турсунзода – марзи Ӯзбекистон» (аз муҷассамаи Сино то дарвозаҳои ғарбии шаҳри Душанбе) сурат мегирад.
Гуфта мешавад, дар муддати зикршуда интиқоли оби нӯшокӣ дар ҳудуди маҳаллаҳои 92, 82, 101, 102, 112, Испечак-1,2, Қазоқон-1,2, Ободкорон, Бунёдкорон ва кӯчаи Н.Махсум боздошта мешавад.
Дар ин робита мақомоти шаҳрдорӣ аз сокинон пойтахт дархост намудааст, ки барои як шабонарӯз оби нӯшокӣ захира намоянд.
Ба раиси ноҳияи Сино ва ва директори корхонаи «Обу корези Душанбе» дастур дода шудааст, ки бо истифода аз мошинҳои обкашӣ, сокинони минтақаҳои номбурдаро бо оби нӯшокӣ таъмин намоянд.
