Президенти Қирғизистон Сооронбой Жээнбеков аввали моҳи оянда (1-2 феврал) бо сафари расмӣ ба Тоҷикистон ташриф меорад, хабар дод ба «Азия-Плюс» як манбаъ аз ҳукумати Тоҷикистон.
Дар назар аст, ки зимни сафари сарвари давлати ҳамсоякишвар ва дидору гуфтушуниди ӯ бо Президенти Тоҷикистон Эмомалӣ Раҳмон масъалаҳои ҳамкории давлатҳо дар соҳаҳои иқтисоду тиҷорат, амният, нақлиёту энергетика, амалисозии лоиҳаҳои минтақавӣ дар заминаи қарордодҳои дуҷониба ва дар доираи созмонҳои байнулмилалӣ – СММ, САҲА, ИДМ, СҲШ ва СААД баррасӣ мешаванд.
Дар ҷараёни гуфтушунидҳо ба масоили анҷоми таъйину аломатгузорӣ дар марзи давлатии кишварҳо, амалисозии лоиҳаи CASA-1000, рушди ҳамкориҳои иқтисодӣ ва фарҳангиву гуманитарӣ таваҷҷуҳи хосса зоҳир хоҳад шуд.
Сооронбой Жээнбеков моҳи октябри соли гузашта президенти Қирғизистон интихоб шуда, сафари расмиаш ба Душанбе нахустин сафари расмии роҳбари давлати хориҷӣ ба Тоҷикистон дар соли равон мебошад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
