Ояндаи наздик ширкати махсуси хизматгузорӣ нуқтаҳои қабули аризаро барои дастрас кардани раводиди Шенген барои Олмон ва кишварҳоеро ки он намояндагӣ мекунад, боз мекунад.
Ин низом дар бисёр кишварҳо афзалияти худро нишон дода, бояд расмиёти пешниҳоди ариза ба раводидро осон ва тезтар намояд. Қабули ҳуҷҷатҳо барои дастрас кардани раводидро ширкати VisaMetric амалӣ месозад.
Бино ба маълумоти сомонаи сафоратхонаи Олмон дар Тоҷикистон, 30 апрел дар Душанбе ва 7 май дар Хуҷанд бояд маркази пешниҳоди раводид боз шуда, акнун ба сокинони минтақаи шимоли Тоҷикистон дигар лозим намеояд, ки барои додани ариза ба Душанбе оянд.
Маълумоти муфассал дар бораи суроға, ҷадвали кор ва сомонаи марказҳои раводид дар сомонаи маркази қабулгоҳ қобили дарёфт мебошад.
Дар маълумот қайд мешавад, ки ифтитоҳи марказҳои раводид ба кам шудани муҳлати интизорӣ ба сабт барои додани ариза имкон фароҳам меорад. Ҳарчанд муддати ҳафтаҳои аввали кор бо мақсади таъмини гузашти мунтазам ба шакли нав маҳдуд кардани шумори мизоҷон пешбинӣ шуда бошад ҳам, шумораи қабули маълумотномаҳо (анкетаҳо) нисбат ба пештара зиёдтар хоҳад буд.
Имкони мустақиман ба сафорат пешниҳод кардани ҳуҷчатҳо барои раводид боқӣ мемонад, аммо бинобар сабаби камшавии сабти пешниҳоди ҳуҷчатҳо дар сафорат, муҳлати интизорӣ нисбат ба марказҳои раводид зиёд мешавад.
Бо назардошти муҳлати пешниҳод ва гирифтани ҳуҷҷатҳо аз маркази раводид, вақти пурраи баррсии ариза дар Хуҷанд 15 рӯзи кориро ташкил медихад. Маблағи боҷ барои раводид тағйир намеёбад. Аммо ширкати хизматрасон барои хизматгузориҳояш иловагӣ маблағ меситонад. Дар ҳолати гирифтани раводиди бепул низ пардохти ҳаққи хизматгузорӣ боқӣ мемонад.
Тартиби дархости раводиди милллӣ тағйир намепазирад, яъне таъини санаи қабул ва пешниҳоди ариза чун пешин дар сафорат мегузарад, итминон медиҳанд дар намояндагии дипломатӣ.
Дар ҳамин ҳол, дар бораи ширкати VisaMetric алҳол начандон маълумоти кофӣ дастрас аст. Дар сомонаи ширкат ҳатто маълумот дар бораи робита бо онҳо вуҷуд надорад.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
