Ба қисмате аз шаҳри Душанбе аз соати 22:00-и рӯзи 25 декабр то соати 24:00-и рӯзи 26 декабр интиқоли оби нӯшокӣ қатъ мегардад.
Тавре аз дастгоҳи раиси шаҳри Душанбе дар ин робита хабар доданд, қарор дар ин бора бинобар сабаби баргузор намудани корҳои таъмир дар хатҳои интиқоли оби пойтахт қабул шудааст.
Бино ба иттилои манбаъ, дар вақти дар боло зикршуда интиқоли оби нӯшокӣ ба маҳаллаҳои 81 ва 82-юм, кӯчаи Шараф, Маркази барқу гармидиҳии Душанбе-2, Маркази миллии тиббӣ (Қарияи Боло) муваққатан қатъ мегардад.
Раиси пойтахт Рустами Эмомалӣ ба раҳбарияти ноҳияи Сино дастур додааст, ки дар муддати қатъи интиқоли об аҳолии кӯчаву маҳаллаҳои зикршуда тариқи мошинҳои обкашӣ бо оби нӯшокӣ таъмин карда шаванд.
Хабарҳои моро дар Viber пайгирӣ намоед, ба шабакаи мо бо суроғаи https://viber.com/asia-plus ҳамроҳ шавед.
Хабаргузории Asia-Plus-ро манбаи асосии иттилооти худ дар Google Новости бигардон, ба шабака бо суроғаи зерин обуна шав.
