Сафоратхонаи ИМА дар Душанбе ба ҳамаи амрикоиҳои муқими Тоҷикистон ҳушёрии ҷиддиро ҳангоми ҷашнҳои солинавӣ маслиҳат додааст.
Хадамоти амнияти намояндагии дипломатии ИМА ба шаҳрвандони худ тавсия медиҳад, ки зимни ҷашнгирии Соли нав дар тарабхонаву қаҳвахонаҳо, меҳмонхона ва ҷойҳои ҷамъиятӣ аз ҳушёриву эҳтиёт кор гиранд, хабар дода мешавад дар сомонаи сафоратхона.
Ҳамчунин ба амрикоиҳо тавсия дода мешавад, ки дар ҷойҳои ҷамъиятӣ аз истеъмоли зиёди машрубот худдорӣ намоянд. Ғайр аз ин, аз онҳо даъват шудааст, ки аз ҷойҳои сериздиҳоми мардум худро канор гирифта, ботаҳаммул бошанд.
Сафорат хотиррасон менамояд, ки санаи 29 июли соли равон дар Тоҷикистон террористон ба сайёҳон ҳамла намуда, 4 нафар, аз ҷумла 2 шаҳрванди ИМА-ро куштанд.
Ба шаҳрвандони ИМА ҳамчунин тавсия дода шудааст, ки дар сурати зарурат ба сафоратхонаи кишвар дар Душанбе муроҷиат намоянд.
Хабарҳои моро дар Viber пайгирӣ намоед, ба шабакаи мо бо суроғаи https://viber.com/asia-plus ҳамроҳ шавед.
Хабаргузории Asia-Plus-ро манбаи асосии иттилооти худ дар Google Новости бигардон, ба шабака бо суроғаи зерин обуна шав.
