То охири моҳи октябр вазъи ҳаво начандон тағйир ёфта, аз 2-юми ноябр 12-14 дараҷа мешавад.
Бино ба маълумоти Агентии обуҳавошиносии ҷумҳурӣ, даҳ рӯз охири моҳи ҷорӣ ҳаво дар Душанбе рӯзона 18-21 дараҷа гарм шуда, шабона то 9 дараҷа поин меравад.
Тибқи пешгӯии ҳавошиносон, аз 29 то 31-уми октябр ҳаво 16 дараҷа гарм шуда, боридани борон дар назар аст.
Дар ноҳияҳои тобеи марказ рӯзона то 22 дараҷа гарм шуда, шабона мисли пойтахт 9 дараҷа гарм мешавад.
Дар вилояти Суғд вазъи ҳаво дар ин давра айнан мисли шаҳри Душанбе пешгӯйӣ мешавад.
Дар ВМКБ рӯзона аз 8 то 10 дараҷа гарм мешавад. Шабона ҳаво сард шуда, шамоли сахт мевазад.
Тирамоҳи гарм дар вилояти Хатлон идома меёбад: рӯзҳои охири моҳи октябр ин ҷо рӯзона то 25 дараҷа ва шабона 16 дараҷа гарм мешавад.
Дар ҳамин ҳол, бино ба маълумоти хадамоти обуҳавошиносии Русия, аввали моҳи нобяр ба Тоҷикистон ҳавои сард меояд. Аллакай аз 2-юми ноябр гармии ҳаво рӯзона то 13 дараҷа поин меравад.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
