Муассисаи хӯроки умумии Max Biff Burger воқеъ дар маҳаллаи Гулистони пойтахт иқдоми хайрияи тақсими ниқобҳои муҳофизатии истифодаи якдафъаинаро роҳандозӣ кард. Дар доираи ин иқдом 5 ҳазор ниқоб бепул тақсим карда мешавад.
Ин иқдом аз 6-уми апрел оғоз шуда, то охири моҳ давом мекунад.
Ниқобҳои муҳофизатӣ ба меҳмонони хоҳишманди тановули бургер аз ҷониби кормандони муассиса мустақиман дар назди мизи фармоишҳо дода мешаванд. Ба мизоҷоне, ки хӯрокро ба хона ё дафтари кориашон фармоиш медиҳанд, ниқобҳо ҳамроҳи фармоиш ба онҳо фиристода мешавад.
ИЗОБРАЖЕНИЕ
Директори Max Biff Burger Фирӯза Ҷалилова ба “Азия-Плюс” изҳор дошт, ки ин иқдом бо мақсади ба одамон ёдрас кардани тадбирҳои пешгирӣ ва эҳтиёту муҳофизати худ дар партави авҷи бемориҳое чун зуком, бемориҳои шадиди роҳҳои нафас (ОРВ) ва дигар касалиҳои ба ин монанд рӯйи кор омад.
ИЗОБРАЖЕНИЕ
“Тадбирҳои пешгириву эҳтиёт ба кормандони муассиса ҳам дахл доранд. Реҷаи риояи талаботи санитарӣ-гигиениро ба таври назаррас тақвият додем. Кормандони мо низ бо ниқобҳои муҳофизатӣ ва дастпӯшакҳои махсус фаъолият мекунанд”, – гуфт соҳибкор.
ИЗОБРАЖЕНИЕ
Чунин иқдом ба мизоҷони Max Biff Burger хеле писанд омад. Ба гуфтаи онҳо, ин иқдом намунаи ибрат буда, хеле хубу муассир мешуд, агар дигар муассисаҳои хӯроки умумӣ низ ба он пайравӣ мекарданд.
ИЗОБРАЖЕНИЕ
Max Biff Burger яке аз муассисаҳои хӯроки умумист, ки дар мавриди пешбурди тарзи ҳаёти солим дар ҳошияи авҷи бемориҳои мавсимии вирусӣ тадбирҳои муассир ва саривақтӣ ба роҳ мондааст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
