Эмомалӣ Раҳмон баъд аз зуҳри рӯзи 3-юми ноябр аз даҳ сафири нави фавқулода ва мухтори кишварҳои хориҷ эътимоднома қабул карджааст. Дар ин бора хадамоти матбуоти Президенти Тоҷикистон хабар медиҳад.
Ин сафирон аз кишварҳои Белорус Виктор Денисенко, Озарбойҷон Алимирзамин Гаввам оғлӣ Аскаров, Туркия Эмре Зеки Карагёл, Подшоҳии Арабистони Саудӣ Валид ибни Абдураҳмон ал – Решайдан, Подшоҳии Муттаҳидаи Британияи Кабир ва Ирландияи Шимолӣ Тимоти Айдан Маршалл Ҷонс, Конфедератсияи Швейтсария Дэвид Грихтинг, Чехия Ватслав Йелик, Лаҳистон Радослав Грук, Эстония Тоомас Тирс ва Бангладеш Заҳангир Алам ба раисҷумҳури Тоҷикистон бо эътимодномаҳо ҳамичунин бо паёму дуруд аз роҳбарияти кишварҳои хешро низ тақдим карданд, – хабар медиҳад манбаъ
Раисҷумҳури Тоҷикистон дар ин маросим гуфтааст, ки "Тоҷикистон дар арсаи байналмилалӣ сиёсати мутавозину мусолиматомез ва санҷидаву фарогирро пеша карда, дар асоси усули “дарҳои кушода” тавонист мақому манзалати худро дар ҷомеаи ҷаҳонӣ пайдо намояд".
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
