Вазорати хориҷаи Толибонэълом кардааст, ки Чин дипломатҳои ин гурӯҳро барои сафорати Афғонистон дар Чин пазируфтааст. Ба гуфтаи ин ниҳод диломатҳои Толибон дар шаҳри Пекин во ба ҷо шудаанд.
Аз ин пеш Русия аз додаyи эътиборнома ба нахустини дипломати "Толибон" хабар дода буд.
Амирхони Муттақӣ, вазири хориҷаи Толибон, имрӯз, 4-уми апрел дар як гуфтугӯ бо шабакаи CGTN гуфтааст, ки дар равобити ин гурӯҳ бо Чин пешрафтҳои зиёде ба мушоҳида мерасад.
Ба гуфтаи Муттақӣ, пазируфтани дипломатҳои Толибон дар Пекин, мусоид шудани заминаҳо барои содироти маҳсулоти Афғонистон ба Чин, баргузории нишастҳо, аз ҷумла нишасти кишварҳои ҳамсояи Афғонистон нишонаи нияти хуби Чин аст.
Ӯ гуфтааст, ки Чин аз кишварҳои дигар ҳам даъват кардааст, ки дар Афғонистон сармоягузорӣ кунанд.
Муттақӣ иддао кардааст, ки "мо ДОИШ-ро контрол кардаем ва бо омадани мо ДОИШ натавонист кадом ҳамлае анҷом диҳад ва мо марзҳои кишварро низ контрол кардем".
То кунун ҳеч кишваре ҳукумати Толибонро ба расмият нашинохтааст ва танҳо теъдоди ангуштшумори кишварҳо дипломатҳои Толибонро пазируфтаанду халос.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
