Сибғатуллоҳ Аҳмадӣ, сухангӯйи Ҷабҳаи муқовимати миллии Афғонистон таҳти раҳбарии Аҳмад Масъуд дар робита ба даргириҳои ахир миёни нерӯҳои Ҷабҳа ва Толибон дар Бадахшон навиштааст, ки шаҳристони Шакии ин вилоят аз дасти Толибон озод карда шуда, таҳти идораи Ҷабҳаи муқовимат қарор гирифт.
Ӯ афзудааст, ки вулусволи Толибон барои ин вулусволӣ бо 10 толиби дигар, ба асорати нерӯҳои Ҷабҳаи муқовимат даромаданд.
Рузномаи "8 субҳ" низ бо такя ба манобеи худ навиштааст, ки имрӯз, 3 – юми октябр, Муҳаммадикром, роҳбари таъинкардаи Толибон барои Шакӣ ба дасти нерӯҳои Ҷабҳаи муқовимат асир афтодааст.
Дар як моҳи ахир нерӯҳои Ҷабҳаи муқовимати миллӣ дар вулусволиҳои Карону Минҷон, Роғистон ва Куҳистони вилояти Бадахшон афзоиш ёфта, ба Толибон дар ин вулусволиҳо талафот ворид шудааст.
Гуруҳи Толибон то кунун дар ин бора ҳеҷ назаре накардааст.
