Имрӯз, 31-уми октябр, Эмомалӣ Раҳмон, Президенти Тоҷикистон ба Драупади Мурму, Президенти Ҳиндустон дар робита ба фуру рехтани пул ва ба ҳалокат расидани даҳҳо нафар дар иёлати Гудҷаратаи ин кишвар, барқияи изҳори тасаллӣ ирсол намуд.
“Хабари фоҷеаи ба ҳалокат расидан ва ҷароҳат бардоштани шумораи зиёди шаҳрвандон бар асари фурӯравии пул дар иёлоти Гудҷарати Ҷумҳурии Ҳиндустон боиси андӯҳи амиқи мо гардид.
Дар ин робита ҳамдардиву таъзияи самимии хешро ба Шумо ва пайвандону наздикони фавтидагон изҳор намуда, ба ҳамаи осебдидагон шифои комил мехоҳам”,- гуфта мешавад дар барқия.
Бояд гуфт, ки бар асари фурӯрезии пул дар иёлати Гудҷарата дар ғарби Ҳиндустон дасти кам 141 фавтида, 177 нафари дигар наҷот дода шуданд. Ба иттилои шабакаи NDTV, ҷустуҷӯи гумшудагон идома дорад.
Гуфта мешавад купрук ҳамагӣ баъди чанд рӯзи таъмир фурӯ рехт.
