Хуҷанд. 20-уми март. ОИ «Азия-Плюс» – Дар додгоҳи шаҳри Хуҷанд мурофиаи додгоҳии ҳафт тан сокинони шаҳри Хуҷанд, ки ба узвият дар ҳизби ифротгарои «Ҳизб-ут-таҳрир» гумонбар дониста мешаванд, оғоз гардид, аммо дере нагузашта қатъ карда шуд.
Раисикунандаи мурофиа – додраси додгоҳи шаҳрӣ Исо Таваккалов дар сӯҳбат бо хабарнигори ОИ «Азия-Плюс» изҳор дошт, ки бинобар бад гаштани вазъи саломатии яке аз гумонбаршудагон, баргузории мурофиа мавқуф гузошта шуд. «Мурофиаи додгоҳӣ шояд пас аз таҷлили Иди Наврӯз баргузор шавад», – гуфт ӯ.
Мувофиқи маълумоти Раёсати умури дохилии вилояти Суғд, соли гузашта дар қаламрвави минтақаи шимоли кишвар 11 узви «Ҳизб-ут-таҳрир» боздошт шуд.
