Ду бинои баландошёнаи навсохт дар Душанбе бо амри Дотситонии кишвар тахриб мешаванд. Дар ин бора пулиси Душанбе дирӯз, 13-уми октябр хабар дода, гуфтааст, ки ин биноҳо дар хиёбони Рӯдакии ноҳияи Шоҳмансури пойтахт худсарона ва бо роҳи сохтакории санадҳо бунёд шудаанд.
Ба гуфтаи манбаъ, соҳиби ин ду бинои навбунёд Азизмуҳаммадзода Ҷамшед сокини 38-солаи Душанбе аст.
Пулис иддаъо кардааст, ки ӯ ғайриқонунӣ аз ин ду бинои худ ба 16 нафар хона фурӯхтааст. Назари худи Ҷамшед ва наздикону пайвандонаш ба ин қазия дастрас нест.
Мақомот низ шарҳи бештаре надодаанд ва маълум нест, ки соҳиби ин ду бино чӣ гуна дар маркази пойтахт бо санадҳои сохта баландошёна бунёд кардааст ва чаро то ин вақт касе ҳуҷҷатҳои онро тафтиш накардааст.
