Душанбе. 16-уми март. ОИ «Азия-Плюс» – Ҳукумати Ҷопон барои тозакунии майдонҳои мингузоштаи ноҳияи Рӯшони ВМКБ 340 ҳазор $ маблағ ҷудо кард.
Тавре аз сафорати Ҷопон дар Тоҷикистон ба ОИ «Азия-Плюс» хабар доданд, рӯзи 13-уми март дар ин хусус бо Фонди аз мина безараргардонии Швейтсария (
FSD
) қарордод-бурс ба имзо расид.
Ба иттилои манбаъ, татбиқи лоиҳа аз баҳор дар деҳаи Вазнавди ноҳияи Рӯшон оғоз гардида, тӯли 9 моҳ идома хоҳад ёфт. «Дар чаҳорчӯбаи татбиқи лоиҳа ҳамчунин маъракаи баланд бардоштани сатҳи огаҳии аҳолӣ аз хатари мина низ доир карда мешавад», – хабар доданд аз сафорат.
Зикр гардид, ки дар маҷмӯъ безараргардонии ҳудуди 718 ҳазор майдони мингузошта дар наздикии деҳаи Вазнавд, ки бещ аз 500 нафар аҳолӣ дорад, ба нақша гирифта шудааст.
Лозим ба тазаккур аст, ки то имрӯз дар Тоҷикистон аз мина ва дигар аслиҳаи тарканда масоҳати беш аз 1,5 млн. метри мураббаъ безарар гардонида шуда, тозакунии боз майдони 20 млн. метри мураббаъ пешбинӣ гардидааст.
