Абдурозиқ Эгамов, машҳуртарин блогери тоҷик, ки чаҳор соли охир дар хориҷа буд, ба ватан баргаштааст. Хабарнигори “Азия-Плюс” бо ӯ мулоқот кард ва ба чанд саволи худ дар бораи фаъолият, бунёди оила, шиносоӣ бо Салмон Хон, омӯзиши забонҳои хориҷӣ ва нақшаҳои ин блогер посух гирифт.
Абдурозиқ дар Ютюб 1,5 миллион ва дар Инстаграм қариб 8 миллион пайгир дошта, дар саросари дунё ӯро мешиносанд. Ӯ соли гузашта дар давлати Британияи Кабир тарабхонаи худро боз кард. Ҳамчунин аввалин шаҳрванди Тоҷикистон аст, ки раводиди дарозмуҳлати Амороти Муттаҳидаи Арабро соҳиб шудааст.
Блогери тоҷик дар лоиҳаҳои бузург ҳамроҳи ситораҳои ҷаҳон фаъолият кардааст. Дар филме бо ҳунарманди Ҳинд Салмон Хон нақш офаридааст. Намоҳангҳои ӯро ҳудуди 40 миллион бор боздид кардаанд.
Ӯ мегӯяд, ки дар ин сафари худ мехоҳад фарҳанги Тоҷикистонро ба ҷаҳониён муаррифӣ кунад.
Бештар дар гузориши мо тамошо кунед:
