Аз аввали моҳи май барои ҳаракати нақлиёти гаронвазн дар роҳҳои кишвар маҳдудияти мавсимӣ ҷорӣ шуд. Ҳангоми беш аз 25 дараҷа гарм будани ҳаво ҳаракати нақлиёте, ки беш аз 6 тонна вазн дорад, аз соати 10:00 то 20:00 маҳдуд карда мешавад.
Дар ин бора Вазорати нақлиёти кишвар иттилоъ дода, навиштааст, ин қарор бо мақсади пешгирии вайроншавии пӯшиши роҳҳо роҳандозӣ шуда, то 31-уми август идома меёбад.
Ба иттилои манбаъ, ин маҳдудият дар роҳҳои мошингарди зерин татбиқ мегардад:
Маҳдудият барои дигар роҳҳое, ки дар ин феҳрист ишора нашудааст, аз 8 тонна боло гуфта мешавад.
Манбаъ навиштааст, ин маҳдудият нисбат ба мошинҳое, ки мусофирон, кӯмаки башардӯстона, маҳсулоти хӯроквории зудвайроншаванда, борҳои хатарнок, калонҳаҷм, ангишт мекашонанд ва ё иҷозатномаи махсус доранд, татбиқ намешавад.
Ба иттилои ин ниҳод, қарори маҳдудияти мавсимӣ барои ҳаракати нақлиёти гаронвазн аз 8-уми ноябри соли 2011 қабул шудааст ва татбиқи имсолаи он аз суханронии охири Эмомалӣ Раҳмон, раисҷумҳури Тоҷикистон дар Данғара маншаъ мегирад, ки пиромуни гармтарин сол дар таърихи мушоҳидаҳо арзёбӣ шудани соли 2025 зикр карда буд.
