Додгоҳи вилояти Хатлон як корманди бахши молияшро барои “азхудкунӣ ва исрофкории маблағҳои буҷетӣ” гунаҳгор ҳисобида, ӯро ҷарима кардааст.
Дар ин ниҳод ба “Азия-Плюс” хабар доданд, ки Музафар Алимардонов, мутахасиси бахши молии Додгоҳи вилояти Хатлон зимни фаъолияти кориаш беш аз 305 ҳазор сомонӣ пули буҷетро азхуд кардааст.
“Давоми соли 2020-2021 Музафар Алимардонов бо роҳи сохтакорӣ дар 46 ҳолат ба номи 11 нафар ҳуҷҷат тартиб дода 48 ҳазору 346 сомонӣ музди меҳнати кормандонро аз худ кардааст. Ҳамчунин маоши кормандони додгоҳи вилоят ва шаҳру ноҳияҳоро нодуруст ҳисоб карда дар маҷмуъ ба буҷаи кишвар 305 ҳазору 428 ҳазор сомонӣ зарар расонидааст”,- гуфтанд дар додгоҳ.
Дар ҳоле, ки назари Музафар Алимардонов нисбати ин қазия маълум нест, додгоҳ бо иттиҳоми “азхудкунӣ ё исрофкорӣ" ва "сохтакории хидматӣ” (модаи 245 қисми 4 ва моддаи 323 КҶ) гунаҳкор ҳисобида, ӯро ба андозаи 138 ҳазор сомонӣ ҷарима кардааст.
Тасарруф ё азонихудкунии маблағҳзоли буҷетӣ яке аз мушкилиҳои Тоҷикистон гуфта мешавад ва солона даҳҳо корманди давлатӣ, аз ҷумла кормандони мақомоти ҳифзи ҳуқуқ, мизи ҳарбӣ, додгоҳҳо ва заминсозӣ бо ин ҷурм дастгир ва ҳабс мешаванд.
Ба иттилои Оҷонсии зиддифасод давоми соли 2024-ум 2 ҳазору 323 ҷинояти коррупсионӣ ошкор шудааст, ки аз ин шумора таҳқиқи 728 парванда анҷом ёфта, ба додгоҳ ирсол гардидааст.
