Душанбе. 1-уми март. ОИ «Азия-Плюс» – Рӯзҳои 21-22-уми март дар варзишгоҳи марказии ҷумҳуриявӣ баргузории чорабиниҳои асосии идона бахшида ба Иди Наврӯз ба нақша гирифта шудааст.
Тавре сухангӯи раиси шаҳри Душанбе Шавкат Саидов ба ОИ «Азия-Плюс» хабар дод, рӯзи 21-уми март дар варзишгоҳи марказӣ намоишномаи театрикунонидашуда таҳти унвони «Наврӯз-2009» баргузор гашта, рӯзи дигар мусобиқоти гӯштини миллӣ доир мегардад.
Ғайр аз ин, ба муносибати ҷашни Наврӯз дар боғҳои истироҳату фароғати ба номи С.Айнӣ, «Дӯстии халқҳо», майдони «800-солагии Маскав» ва «Кӯли ҷавонон» чорабиниҳои идона доир гардида, дар наздикии маҷмааи давлатии «Кохи Борбад» намоишгоҳи маҳсулоти ҳунармандии мардум созмон дода мешавад.
