Душанбе. 29-уми июл. ОИ «Азия-Плюс» – Бинобар баргузории корҳои таъмиру таҷдид ҳаракати нақлиёт боз дар ду кӯчаи шаҳри Душанбе муваққатан манъ карда мешавад.
Чӣ тавре ки ба ОИ «Азия-Плюс» аз хадамоти матбуоти мақомоти шаҳрдории пойтахт иттилоъ доданд, бо мақсади ободонӣ ва беҳтар сохтани ҳолати каналҳо ва иншооти селпартои шаҳр Сарраёсати ободонии шаҳри Душанбе ба корҳои таҷдиди иншооти селпартои «Шотемур» шурӯъ мекунад.
«Аз ин рӯ, аз 1-уми август то 1-уми сентябри соли ҷорӣ ҳаракати воситаҳои нақлиёт дар кӯчаи Шотемур аз буриши кӯчаи Бохтар то кӯчаи Шероз ва дар хиёбони Рӯдакӣ аз буриши кӯчаи Ф.Ниёзӣ то буриши кӯчаи Теҳрон манъ карда мешавад», – гуфт манбаъ.
