Душанбе. 27-уми июл. ОИ «Азия-Плюс» – Рӯзҳои истироҳати гузашта дар ҷумҳурӣ бар асари садамаи нақлиёт ва ҳодисаҳои нохуши гуногун 18 нафар ба ҳалокат расиданд.
Чӣ тавре ки ба ОИ «Азия-Плюс» аз ВКД ҶТ иттилоъ доданд, танҳо дар натиҷаи ҳодисҳои нохуш дар ҷойҳои шиновариву оббозӣ 9 нафар ғарқ шудаанд, ки 7 нафарашон ноболиғон мебошанд. «Рӯзҳои истироҳати ҳафтаи гузашта се нафари дигар бар асари садамаи нақлиёт фавтиданд», – гуфт манбаъ.
Бино ба иттилои манбаъ, се шаҳрванди дигари ҷумҳурӣ бар асари зарбаи барқ дар майдони сохтмон ҳалок шудаанд. «Ҳамчунин дар ин давра дар вилояти Суғд 3 ҳодисаи даст ба худкушӣ задан ба қайд гирифта шуд», – афзуданд дар ВКД ҶТ.
