Душанбе. 3-юми июл. ОИ «Азия-Плюс» – Шабонарӯзи гузашта дар қаламрави ҷумҳурӣ ду ҳодисаи худкушӣ ба қайд гирифта шуд.
Чӣ тавре ки ба ОИ «Азия-Плюс» аз ВКД ҶТ иттилоъ доданд, сокини 40-солаи шаҳри Душанбе Қамчибек Боронбеков дар ҳолати мастӣ пас аз муноқиша бо ҳамсар бо духтари 1-солааш аз ошёнаи 6-ум худро ба замин ҳавола карда, дар ҷойи ҳодиса ба ҳалокат расид ва духтарча бо ҷароҳатҳои вазнин ба беморхона мунтақил шуд.
Бино ба иттилои манбаъ ҳодисаи дигари худкушӣ дар ноҳияи Роштқалъа ба қайд гирифта шуда, сокини 49-солаи ин ноҳия – корманди шӯъбаи «Амонатбонк Оқимшо Шогунов бо сабабҳои номаълум худро ба рӯдхонаи Шохдара афкандааст. «Худи ҳамон рӯз ҷасади ӯ пайдо гардида, ба хешовандонаш супурда шуд», – афзуд манбаъ.
