Душанбе. 4-уми май. ОИ «Азя-Плюс» – Рӯзи 1-уми майи соли ҷорӣ кормандони Агентии назорати маводи нашъаовари назди президенти Тоҷикистон дар бозори «Корвон» сокини 25-солаи пойтахт Х.С.-ро ба гумони даст доштан дар муомилоти ғайриқонунии маводи мухаддир боздошт намуданд.
Тибқи иттилои расида ба ОИ «Азия-Плюс» аз агентии мазкур, ҳангоми азназаргузаронии шахсии боздоштшуда аз ӯ бастаи селофанӣ бо ҳероин дарёфт ва мусодира карда шуд. «Баъдтар аз манзили зисти сокини 42-солаи пойтахт Л.Б., ки ӯ низ дар ин кор даст дошт, боз 7 килову
650 грамм
ҳероин дарёфт ва мусодира гардид», – гуфт манбаъ.
Бино ба иттилои манбаъ, маводи мухаддири мусодирашуда барои интиқол ба хориҷи кишвар пешбинӣ гардида, ду нафари дастдошта дар ин ҷиноят ба ҳабс гирифта шудаанд.
