Душанбе. 31-уми декабр. ОИ «Азия-Плюс» – Президенти Русия – Дмитрий Медведев ба муносибати ҷашни Соли нав унвонии руасои ҷумҳури кишварҳои узви Иттиҳоди Давлатҳои Мустақил барқияи табрикотӣ ирсол намуд.
Дар номаи табрикотии худ ба унвони раиси ҷумҳури Тоҷикистон – Эмомалӣ Раҳмон, Медведев Тоҷикистонро шарики баробарҳуқуқи стратегӣ ва муттафиқи Русия хонда, аз ҷумла қайд кардааст, ки соли сипаришаванда пойдор будани дӯстӣ ва ҳамкорӣ миёни ду кишварро бори дигар тасдиқ намуд.
Дар барқияи худ ба унвони президенти Тоҷикистон – Эмомалӣ Раҳмон нахуствазири Русия – Владимир Путин зикр намуд, ки ҳамкориҳои самарабахш дар роҳи таъмини амният дар минтақаи Осиёи Марказӣ дар оянда низ тақвият меёбанд.
