Имрӯз мулоқоти Сардори Хадамоти муҳоҷирати назди Ҳукумати Ҷумҳурии Тоҷикистон Девонаев С.А. бо Сафири Ҷумҳурии Қазоқистон дар Тоҷикистон Оғибой Смагулов доир гардид.
Тавре аз Маркази матбуоти хадамоти мазкур хабар доданд, зимни мулоқот масъалаҳои ҳамкориҳои дуҷониба дар бахши муҳоҷирати меҳнатӣ мавриди муҳокима қарор гирифтанд.
Ба иттилоли манбаъ, дар ҷараёни вохӯрӣ масъалаҳои кушодани Намояндагии Хадамоти муҳоҷират дар Қазоқистон ва бархе дигар аз масоили марбут ба бақайдгирии шаҳрвандони ҶТ, ташкили комиссияи кории оид ба созишномаҳои қаблан имзошуда дар бахши муҳоҷирати меҳнатӣ, таълиму тарбияи кадрҳо аз ҷумлаи шаҳрвандони ҶТ дар омӯзишгоҳҳои касбҳои техникии Қазоқистонро муфассал баррасӣ намуданд.
Тарафҳо изҳор доштанд, ки омодаанд ба таҳкиму рушди минбаъдаи муносибатҳои байни ҳар ду кишвар дар ин бахш кӯмак расонанд.
