Корманди Раёсати корҳои дохилии вилояти Хатлон, майори милиса Кенҷа Нуруллоев аз зарбаи ноқили барқ ҳалок шуд.
Тавре ба ОИ «Азия-Плюс» аз мақомоти ҳифзи ҳуқуқ хабар доданд, субҳи рӯзи 8-уми май ҳангоми сафороии умумии кормандони раёсат ба ҳавлии он барои анҷом додани корҳои сохтмонӣ як крани борбардор ворид мешавад.
«Кран тасодуфан ба сими барқ расида, он канда мешавад ва ба болои кормандони милиса меафтад. Дар натиҷа аз зарбаи барқ майори милиса Кенҷа Нуруллоев ба ҳалокат расида, боз ду нафар кормандони дигар бо ҷароҳатҳои вазнин ба бемористон мунтақил мешаванд», – гуфт манбаъ.
Тибқи баъзе маълумот, вазъи саломатии кормандони ба бемористон бистаришуда вазнин арзёбӣ мегардад.
Дар ҳамин ҳол, бино ба маълумоти Кумитаи ҲФ ва МГ назди ҳукумати ҶТ, рӯзи 7-уми май зимни баргузории корҳои таъмирӣ дар шабакаҳои барқӣ корманди филиали ширкати «Барқи тоҷик» дар Конибодом Раҳимҷон Мардонов низ ба ҳалокат расидааст.
