Дар шаҳри Санкт-Петербург таҳти раёсати раиси палатаи болоии парлумони Тоҷикистон Маҳмадсаид Убайдуллоев ҷаласаи навбатии Ассамблеяи байнипарлумонӣ (АБП)-и кишварҳои узви Иттиҳоди иқтисодии Авруосиё (ЕвраЗЭС) баргузор шуд.
Тавре ёвари раиси Маҷлиси миллии Маҷлиси Олии ҶТ Шавкат Саидов ба ОИ «Азия-Плюс» хабар дод, дар ҷаласа 12 масъалаи марбут ба рушди муносибатҳо дар доираи иттиҳод, аз ҷумла масъалаи маблағгузорӣ ба сохторҳои он мавриди баррасӣ қарор гирифтаанд.
Дар ҷаласа намояндагони парлумони Русия, Белорус, Тоҷикистон, Қирғизистон ва Қазоқистон ширкат варзиданд.
Шоми дирӯз ҳайати парлумонии Тоҷикистон таҳти сарварии Маҳмадсаид Убайдуллоев дар ҷаласаи Ассамблеяи байнипарлумонии кишварҳои узви Иттиҳоди Давлатҳои Мустақил низ иштирок карданд.
