Душанбе. 25-уми ноябр. ОИ «Азия-Плюс» – Кишоварзони ҷумҳурӣ ба номусодии обу ҳавои фасли тирамоҳ нигоҳ накарда, ҳафтаи гузашта шудгор ва кишти тирамоҳии зироатҳои кишоварзиро давом доданд. Тибқи маълумоти фаврии Раёсати рустанипарварии вазорати кишоварзӣ имсол дурнамои шудгори тирамоҳии заминҳои ғалладона, картошка ва сабзавот
238800 гектар
мебошад. Дар ҷумҳурӣ то 24.11.08 дар майдони
109807 гектар
шудгори тирамоҳии ин зироатҳо
гузаронида шудаст, ки ин 46,0 фоизи дурнаморо ташкил медиҳад.
Кишти тирамоҳии зироатҳои ғалладона тибқи дурнамо имсол дар майдони
229500 гектар
гузаронида мешавад, айни замон дар ҷумҳурӣ 115082 гектари он аллакай кишт карда шудааст, ки 50,1 фоизи дурнамо буда, нисбати ҳамин давраи соли гузашта
57633 гектар
зиёд мебошад. Аз он ҷумла дар майдони
10992 гектар
кишти тирамоҳии гандум гузаронида шудааст.
Дар
асоси дурнамо имсол дар ҷумҳурӣ дар майдони 170 ҳазор гектар кишти
тирамоҳӣ дар заминҳои обӣ гузаронида мешавад, ки 84599 гектари он алакай кишт карда шудааст, ки ин 49,8 фоизи дурнаморо ташкил медиҳад.
Инчунин имсол дар ҷумҳурӣ дар
майдони
3250 гектар
кишти тирамоҳии картошка гузаронида мешавад, то имрӯз бошад,
58 гектар
кишт карда шудааст, ки 1,8 фоизи дурнамо мебошад. Дар майдони
6050 гектар
бошад,
кишти тирамоҳии сабзавот гузаронида мешавад ва
3011 гектари он аллакай кишт карда шудааст,ки ин баробари 49,8 фоизи дурнамо мебошад. Дар ин бора аз маркази матбуот ва иттилооти вазорати кишоварзии ҷумҳурӣ хабар доданд.
