Хадамоти муҳоҷирати назди ҳукумати ҶТ дар ҳамдастӣ бо Агентии ҳифзи иҷтимоӣ, шуғли аҳолӣ ва муҳоҷират дар шаҳри Душанбе ярмаркаи ҷойҳои кории холӣ ва вазифаҳои озодро баргузор намуданд.
Тавре аз Маркази матбуоти Хадамоти муҳоҷират хабар доданд, дар ярмарка зиёда аз 37 корхонаву муассисаҳои шаҳри Душанбе ва 10 ширкати дорои иҷозатнома (литсензия)-и интиқоли қувваи корӣ ба хориҷа, аз он ҷумла КВД «Тоҷикхориҷакор», КВД «Биржаи меҳнатии ҷавонон» иштирок намуданд. Аз ҷониби корхонаву муассисаҳо ба шаҳрвандон зиёда аз 4050 ҷойи холии корӣ пешниҳод гардид, аз он ҷумла 1950 ҷойҳои кории холӣ барои муҳоҷирони меҳнатӣ дар хориҷи кишвар буд.
Дар ярмарка ба шаҳрвандони корҷўй аз тарафи муассисаҳо ва корхонаҳо барои ишғоли ҷойҳои холии корӣ дар дохили кишвар 27 роҳҳат ва аз ҷониби субъектҳои хоҷагидор барои дарёфти ҷойҳои холии корӣ дар хориҷи кишвар 250 роҳҳат пешниҳод гардид.
