Душанбе. 1-уми июли с.2008. ОИ «Азия-Плюс» – «Помир Медиа»
– Мақомоти маҳаллии ҳокимияти давлатии ноҳияи Дарвоз барномаи вижаи рушди
лимӯпарвариро таҳия кардааст.
Сардори идора кишоварзии ноҳия Саъдулло Сайфуллоев изҳор дошт, ки тибқи ин лоиҳа то соли 2015 дар минтақа зиёда аз 100 лимӯхона бунёд мешаванд. Дар ҳар як деҳа мувофиқи имконият на камтар аз 3 лимӯхона сохта мешавад.
Ба иттилоъи манбаъ, дар
парваришгоҳи дашти Роғаки ноҳия 32 адад гармхонаҳои лимӯ ва афлесун мавҷуд ҳастанд, ки аз онҳо ҳар сол зиёда аз 10 тонна меваҳои ситрусӣ ҷамъоварӣ мешавад.
Ба гуфтаи сардори идораи кишоварзӣ парвариши зироатҳои ситрусӣ соҳаи сердаромад маҳсуб мешавад ва бинобар ин рушди ин соҳа мавриди таваҷҷӯҳи махсус қарор гирифтааст.
