Душанбе. 7-уми июл. ОИ «Азия-Плюс» – Чанде қабл бар асари ҳодисаи фалокатбор каме дуртар аз мавзеи Хумроғи ноҳияи Ванҷ ду нафар корманди Бунёди рушди Оғохон ба ҳалокат расиданд.
Аз Вазорати корҳои дохилии (ВКД) ҶТ ба ОИ «Азия-Плюс» хабар доданд, ки кормандони созмон – шаҳрванди Тоҷикистон Афзалшо Пулкишоев ва шаҳрванди Афғонистон Абдулбасири Нусур ҳангоми интиқоли кӯмаки башардӯстона аз ҶТ ба Афғонистон дар дарёи Панҷ ғарқ шудаанд.
«Дар натиҷаи чаппа шудани қаиқ кормандон ғарқ шудаанд ва то ҳол ҷустуҷӯи ҷасадҳои онҳо идома дорад», – афзуданд дар ВКД.
