Душанбе. 6-уми сентябр. ОИ «Азия-Плюс» – Дар додгоҳи ноҳияи Шоҳмансури пойтахт мурофиаи додгоҳии парвандаи ҷиноии шаҳрванди Филиппин Гарсиа Ҷон Гардовси, ки ба муомилоти ғариқонунии маводи мухаддир гумонбар дониста мешавад, ҷараён дорад.
Дар сӯҳбат ба мухбири ОИ «Азия-Плюс» раисикунандаи мурофиа додрас Савриддин Тошев изҳор дошт, ки шаҳрванди хориҷӣ ба ҷурми кӯшиши интиқоли 3 кило маводи мухаддир аз Тоҷикистон ба Туркия гумонбар дониста шуда, ба ӯ тибқи моддаҳои 200, к.4, 32, қ.3 ва 289, қ.2 айбнома эълом шудааст.
Ба гуфтаи додрас, гумрукчиёни фурудгоҳ дар ҳамдастӣ бо хадамоти махсуси ҷумҳурӣ аз кӯшиши интиқоли маводи мухаддир ба хориҷи кишвар ҷилавгирӣ намуданд. Ёдрас мекунем, ки шаҳрванди Филиппин ҳангоми азназаргузаронии бағочи мусофирони ҳавопаймои хатсайри Душанбе-Истанбул боздошт гардидааст.
