Душанбе. 6-уми сентябр. ОИ «Азия-Плюс» – Дирӯз дар сафорати Иёлоти Муттаҳидаи Амрико (ИМА) дар Тоҷикистон маросими баимзорасӣ ва супурдани 13 бурс ба Ташкилотҳои ғайридавлатӣ (ТҒД) ва васоити ахбори оммаи (ВАО) Тоҷикистон ба маблағи беш аз 94 ҳазор доллари ИМА доир гашт.
Намояндаи сафорати ИМА дар Тоҷикистон Ниша Кваст изҳор дошт, ки ҳукумати ИМА минбаъд низ барои рушди ҷомеаи шаҳрвандӣ, бахши иҷтимоӣ ва дастгирии дифоъ аз ҳуқуқи шаҳрвандони Тоҷикистон кӯмаки худро дареғ нахоҳад дошт.
Бурсҳоро асосан ташкилотҳои ғайридавлатие соҳиб гаштанд, ки дар бахши бонкиву ҳуқуқшиносӣ ва
адлия фаъолият доранд. Миёни васоити ахбори омма ҳафтаномаи «Нигоҳ» ба гирифтани бурс мушарраф гашт, ки бо ин маблағ ният дорад дар шабакаи ҷаҳонии Интернет сомонаи иттилоотиву таҳлилӣ ифтитоҳ намояд.
