Душанбе. 14-уми ноябр. ОИ «Азия-Плюс» – Ояндаи наздик вазири умури хориҷии Русия Сергей Лавров бо сафари расмӣ аз Тоҷикистон боздид мекунад.
Тавре аз Вазорати умури хориҷии ҷумҳурӣ ба ОИ «Азия-Плюс» хабар доданд, дар ҷараёни сафар мансабдори воломақоми Русия бо сарвари давлат Эмомалӣ Раҳмон, ҳамтои тоҷикистонии Худ Ҳамрохон Зарифӣ ва дигар шахсони расмӣ дидору гуфтушунид хоҳад кард.
«Дар дидору гуфтушунидҳо ба масъалаи амалисозии қарордодҳое, ки дар мавриди онҳо зимни боздиди расмии президенти Русия ба Тоҷикистон тавофуқ ҳосил гардида буд, таваҷҷӯҳи хос зоҳир хоҳад шуд», – изҳор дошт манбаъ.
