Душанбе. 12-уми декабр. ОИ «Азия-Плюс» – Зимни суханронӣ дар мизи мудаввар бахшида ба мавзӯи «Таҷрибаи
мамлакатҳои
Аврупо
ва
Осиёи
Марказӣ
дар
бобати
истифодаи
агентиҳои
махсуси мубориза ба
муқобили
ришвахӯрӣ» директори Агентии назорати давлатии молиявӣ ва мубориза бо коррупсияи ҷумҳурӣ Шерхон Салимзода қайд кард, ки бояд ҳамаи мансабдорони давлатӣ таҳти назорату санҷиш қарор дошта бошанд.
Ба гуфтаи ӯ, тӯли ду соли фаъолият дар ҳама сохторҳо, аз ҷумла мақомоти ҳифзи ҳуқуқ низ ҳодисаҳои марбут ба коррупсия ошкор гардиданд. «Масалан, ҳангоми гирифтани пора мо муфаттиши додситонии куллро боздошт намудем», – гуфт ӯ.
Дар кори мизи мудаввар ҳамучунин намояндагони мақомоти зиддифасоди кишвари Литва низ ширкат варзида, оид ба таҷрибаи хеш дар ин росто ҳарф заданд. Зудрунас Барткус, корманди Хадамоти тафтишоти махсуси Литва изҳор дошт, ки мақомоти онҳо муддати 11 сол аст, ки фаъолият дорад, вале ягон дафъа дар мақомоти олии ҳокимият ҳодисаҳои коррупсиониро ошкор кардан муяссар нашудааст. Дар ҳамин ҳол, ӯ эътироф кард, ки ваколатҳои агентии зиддифасоди Тоҷикистон нисбат ба хадамоти онҳо хеле васеъ аст. «Аз ин рӯ, натиҷаҳои кори агентӣ низ бояд пурсамартар бошанд», – афзуд ӯ.
