Душанбе. 24-уми январ. ОИ «Азия-Плюс» – Вазорати фарҳанги ҷумҳурӣ дар робита ба Соли бузургдошти Имоми Аъзам баргузории як қатор чорабиниҳоро ба нақша гирифтааст.
Тавре аз Вазорати фарҳанги кишвар ба ОИ «Азия-Плюс» хабар доданд, аввали моҳи июл ба ин муносибат конфронси ҷумҳуриявии илмиву амалӣ таҳти унвони «Мероси Имоми Аъзам ва фарҳанги миллӣ» доир мегардад. Ҳамчунин моҳҳои июл-августи соли ҷорӣ китоби Имоми Аъзам «Фиқҳи Акбар» ва ҳамчунин китоб дар бораи Абӯҳанифа – «Симои Имоми Аъзам» нашр хоҳад шуд.
Моҳи августи соли ҷорӣ инчунин баргузории боз як конфрнси ҷумҳуриявӣ таҳти унвони «Ҳанафия ва интишори маорифи исломӣ» дар назар аст.
