Душанбе. 10-уми апрел. ОИ «Азия-Плюс» – Дар зарфи се моҳи соли ҷорӣ мақомоти ҳифзи ҳуқуқи кишвар 1 тоннаву 50 кило маводи мухаддирро мусодира карданд.
Сардори ситоди Агентии назорати маводи нашъаовари назди президенти Тоҷикистон Фахриддин Ҷонмаҳмадов дар ҷамъи рӯзноманигрон изҳор дошт, ки дар муқоиса бо ҳамин давраи соли гузашта коҳиши ҳаҷми мусодираи афюн ба миқдори 86 дарсад ва маводи мухаддири гурӯҳи каннабис ба андозаи 36,6 дарсад ба қайд гирифта шуд.
Ф.Ҷонмаҳмадов гуфт, кормандони агентӣ дар ин давра аз 35 ҳодисаи муомилоти ғайриқонунии маводи мухаддир ҷилавгирӣ намуда, ҳудуди 130 кило маводи мухаддирро мусодира карданд. Аз рӯи ин далелҳо 29 парвандаи ҷиноӣ боз шуда, 32-тои онҳо нисбат ба 38 тан ҷиҳати моҳиятан баррасӣ намудан ба додгоҳ ирсол шудааст.
Яке аз тафтишҳои пурсарусадо ба парвандаи ҷиноии гурӯҳи ҷиноятпешаи фаромиллӣ марбут аст, ки ба ҳайати он шаҳрвандони Нигерия, Ҷумҳурии Африқои Ҷанубӣ ва Филиппин шомил буданд. Қочоқбарони хориҷӣ бо истифода аз хадамоти почтавии
DHL
1 килову
659 грамм
ҳероинро ба Испания интиқол доданӣ буданд. Роҳбари гурӯҳи муташакккили ҷиноятпеша – шаҳрванди Нигерия ба 19 соли зиндон маҳкум гардида, ҳамроҳонаш ба мӯҳлати аз 1 то 14 сол аз озодӣ маҳрум карда шуданд.
