Душанбе. 25-уми май. ОИ «Азия-Плюс» – «То он даме, ки зиндаам, баҳри халалдор насохтани суботу амният дар минтақаи Рашт кӯшиш ба харҷ хоҳам дод», – изҳор дошт дар сӯҳбати ихтисосӣ бо хабарнигори ОИ «Азия-Плюс» собиқ вазири ҳолатҳои фавқулодда ва мудофиаи граждании ҶТ Мирзо Зиёев.
Номбурда гуфт, вазъ дар минтақа мӯътадил аст ва ӯ чанд рӯзи ахир аз ноҳияи Тавилдара боздид карда, мардумро ба оромӣ даъват кардааст.
Ба гуфтаи М.Зиёев, чанд рӯзе қабл ӯ бо муовини вазири мудофиаи ҶТ Ғайрат Адҳамов дар минтақа мулоқот доштааст. Ғ.Аҳмадов ҷиҳати назорати ҷараёни амалиёти «Кӯкнор-2009» ба минтақа сафар карда буд.
Ёдрас мекунем, ки қаблан дар ВАО хабаре интишор гардид, ки гӯё дар минтақаи шарқи кишвар дастаи мусаллаҳи собиқ қумондони нерӯҳои мухолифини тоҷик Мулло Абдулло (Абдулло Раҳимов) фаъол шудааст.
Дар Тавилдара вазъ чӣ гуна аст? Магар ҳақиқатан ҳам Мулло Абдулло ба минтақа омадааст? Айни замон Мирзо Зиёев чӣ машғулияте дорад? Ба ин суолҳо шумо дар шумораи навбатии ҳафтавори «
Asia
–
Plus
» посух пайдо хоҳед кард.
