Душанбе. 18-уми июн. ОИ «Азия-Плюс» – Зимни баргузории ҷаласаи 34-уми Шӯрои мудирони Бонки исломии рушд дар шаҳри Ашқобод бо назардошти зарарурати сармоягузории таъҷилӣ ба зерсохтори иқтисоди бисёре аз кишварҳои минтақаи Осиё, Бонки рушди Осиё ва Бонки исломии рушд дар бораи таъсиси нахустин дар минтақаи Осиё Хазинаи исломии сармоягузорӣ ба зерсохтори иқтисод мувофиқа ҳосил карданд.
Чӣ тавре ки ба ОИ «Азия-Плюс» аз Бонки рушди Осиё иттилоъ доданд, ҳаҷми маблағи Хазина 500 млн. доллари ИМА-ро ташкил дода, он баҳри сармоягузорӣ ба саҳмияҳо дар 12 кишвари қарзгирандаи ҳарду бонк – Афғонистон, Озарбойҷон, Бангладеш, Индонезия, Қазоқистон, Қирғизистон, Малайзия, Малдив, Покистон, Тоҷикистон, Туркманистон ва Ӯзбекистон истифода бурда хоҳад шуд.
Бино ба иттилои манбаъ, фаъолияти хазинаи мазкур бо назардошти мутобиқати он ба шариати ислмомӣ роҳандозӣ хоҳад шуд. «Чунин тарзи кор сармоягузорӣ ба коғазҳои қимматнок ва фаъолияти ғайриқонуниро манъ месозад», – афзуданд дар бонк.
