Душанбе. 18-уми июн. ОИ «Азия-Плюс» – Рӯзи 17-уми июни соли ҷорӣ зимни безараргардонии мавзеи Дашти Бибироғи деҳаи Курговади ноҳияи Дарвоз аз таркиши мина хизматчии низомии Гвардияи миллии Тоҷикистон, прапоршики 25-сола Муҳаммад Ёраҳмадов ҷароҳат бардошт.
Чӣ тавре ки ба ОИ «Азия-Плюс» аз Маркази масоили минаи Тоҷикистон иттилоъ доданд, М.Ёраҳмадов таъҷилан ба беморхонаи марказии ноҳияи Ванҷ мунтақил гардида, айни замон таҳти назорати духтурон қарор дорад ва муолиҷа мешавад. «Бо гирифтани хабари мазкур комиссияи тафтишотии Маркази масоили минаи Тоҷикистон дарҳол ба ҷойи ҳодиса сафарбар шуд», – гуфт манбаъ.
Бино ба иттилои сарчашма, дар мавзеи Дашти Бибироғ аз ҷониби сарбозони воҳиди ҳаффорӣ (сапёрон) майдони 85 ҳазору
521 гектар
санҷида шуда, 127 мина ва муҳимоти натаркида безарар гардонида шуданд. «Соли ҷорӣ аз мина ва муҳимоти дигари натаркида 6 шаҳрванди Тоҷикистон зарар дида, панҷ нафар захмӣ ва 1 нафар ҳалок шуд», – афзуданд дар марказ.
