Душанбе. 8-уми август. «Азия-Плюс» — | Дар шаҳри Душанбе ба гумони даст доштан дар гаравгон гирифтани тифли навзод ду нафар зан боздошт шуданд.
Тавре ба ОИ «Азия-Плюс» аз маркази матбуоти Вазорати корҳои дохилии ҷумҳурӣ иттилоъ доданд, боздоштшудагон – сокини 46-солаи ноҳияи Фархор С.Н. ва истиқоматкунандаи 40-солаи шаҳри Душанбе М.Н. чанде қабл вориди хонаи як зани 40- солаи маскуни кӯчаи Неъмат Қарабоев гардида, аз ӯ баргардонидани қарзашонро талаб менамоянд.
«Онҳо тифли навзоди занро гаравгон мегиранд, то ки ӯ ба онҳо қарзашон дар ҳаҷми 13,5 ҳазор доллари ИМА-ро баргардонад», – гуфтанд дар ВКД,
Ба иттилои манбаъ, айни заон тифли навзод, ки духтарча аст, ба падару модар баргардонида шуда, нисбати гаравгонгирон парвандаи ҷиноӣ оғоз шудааст.
