Мақомоти шаҳрдории Душанбе ба варзишгарони пойтахт, ки минбаъд медалҳои тилои олимпиро соҳиб мешаванд, аз ҳисоби буҷети пойтахт манзили дуҳуҷрагӣ ҷудо намуда, онҳо ҳамчунин сокинони фахрии пойтахт хоҳанд шуд.
Тавре ба ОИ «Азия-Плюс» сухангӯйи раиси шаҳри Душанбе Шавкат Саидов хабар дод, мутобиқи қарори раиси шаҳри Душанбе Маҳмадсаид Убайдуллоев, варзишгарони ба медали нуқраи олимпӣ ноилгардида ҳар кадоме бо 45 ҳазор сомонӣ ва ҷоизадорони медали биринҷӣ бо 35 сомонӣ мукофотпулӣ сарфароз карда хоҳанд шуд.
Варзишгарони шаҳри Душанбе, ки аз рӯйи навъҳои олимпӣ қаҳрамони ҷаҳон мегарданд, аз мақомоти шаҳрдорӣ дар ҳаҷми 20 ҳазор сомонӣ мукофотпулӣ хоҳанд гирифт.
