Ташкилоти ғизо ва кишоварзии Созмони Милали Муттаҳид (ФАО) коҳиши ҳаҷми истеҳсоли гандум дар соли равонро пешгӯйӣ мекунад.
Бино ба маълумоти ин ташкилот, соли равон ҳосили зироати ғалладона 2 млн. 371 ҳазор тоннаро ташкил хоҳад дод, ки нисбат ба соли қаблӣ 27 ҳазор тонна бештар аст, вале ҳарчанд ин ҳосили рекордии зироати ғалладона бошад ҳам, он аз ҳисоби афзоиши ғалладонаи барои хӯроки чорво ба даст меояд.
Истеҳсоли гандум дар муқоиса бо соли гузашта ба андозаи 3,6% коҳиш ёфта, ба 675 млн. тонна баробар мешавад.
Коҳиши ҳаҷми истеҳсоли зироати ғалладона бештар дар Украина, Қазоқистон, Чин, Марокаш ва кишварҳои Иттиҳоди Аврупо ба мушоҳида хоҳад расид.
Тибқи пешғӯйии ФАО, соли равон истеҳсоли шолӣ ба андозаи 1,7%, шакар – 4,6% ва шир – 2,7% зиёд мешаванд.
Дар ҳамин ҳол, гуфта мешавад, моҳи апрел нархҳои ҷаҳонӣ ба навъҳои асосии маҳсулоти ғизоӣ, аз ҷумла орду шакар ва шир ба андозаи начандон назаррас поин рафтаанд.
