Бо қарори иҷлосияи нуҳуми Маҷлиси миллии Маҷлиси Олии Тоҷикистон даъвати чорум дар мақомоти раҳбарии кумитаҳои палатаи болоии парлумон як қатор тағйирот ба вуқӯъ пайваст.
Ба ин тартиб, роҳбари Дастгоҳи иҷроияи сарвари давлат Бахтиёр Худоёров, ки ахири ҳафтаи гузашта ба аъзогии Маҷлиси миллӣ интихоб шуда буд, ба вазифаи раиси Кумитаи палатаи болоии парлумон оид ба таъмини асосҳои конститутсионӣ, ҳуқуқ ва озодиҳои инсон ва қонуният таъин шуд.
Президенти Академияи улуми Тоҷикистон Мамадшо Илолов, ки қаблан ин вазифаро бар дӯш дошт, ба вазифаи раиси Кумитаи палатаи болоии парлумон оид ба ҳамоҳангсозии фаъолияти Маҷлиси миллӣ бо Маҷлиси намояндагон, ҳокимияти иҷроия, созмонҳои ҷамъиятӣ, ВАО ва робитаҳои байнипарлумонӣ таъин шуд.
Раиси қаблии ин кумита Иброҳим Абдуллоев акнун ба сифати муовини Мамадшо Илолов ифои вазифа мекунад.
