Аввали моҳи июл шаҳрванди 20-солаи Тоҷикистон, зодаи ноҳияи Панҷакент Ҷӯрабек Суюнов дар яке аз обанборҳои шаҳри Среднеуралски вилояти Свердловски Русия ғарқ шуд.
Чанд рӯз баъдтар дар шаҳри Первоуралски ин вилоят сокини 24-солаи ноҳияи Нуробод Иброҳимҷон Салимов низ ғарқ шуда, ба ҳалокат расид.
Тавре ба ОИ «Азия-Плюс» аз намояндагии Хадамоти муҳоҷирати ҶТ дар Русия хабар доданд, бо мусоидати намояндагии мазкур ҷасадҳои ғарқшудагон тавассути ҳавопаймо ба ватан фиристода шуданд.
Дар идома аз намояндагии зикршуда иттилоъ доданд, ки тавассути мусоидати бевоситаи корманди намояндагӣ ба гурӯҳе аз муҳоҷирони кории тоҷик дар шаҳри Екатеринбург маблағи қарз аз музди меҳнат пардохта шудааст. «Пас аз суҳбат бо директори ҶДММ «Ростек» ба шаҳрвандони тоҷик дар ҳаҷми 380 ҳазор рубл музди меҳнат пардохт гардид», – гуфтанд дар намояндагӣ.
