Дар шаҳри Хуҷанд як наврас ҳамсолашро бо корд захмӣ кард. Айни замон ӯ бо ҷароҳати вазнин дар бемористон қарор дорад.
Тавре ба ОИ «Азия-Плюс» аз Раёсати ВКД дар вилояти Суғд хабар доданд, хонандаи синфи 11-уми яке аз мактабҳои шаҳри Хуҷанд бо ҷароҳати вазнин аз корд ба беморхона оварда шудааст.
Зимни таҳқиқи ҳодиса ба гумони даст доштан дар ин кор базудӣ ҳамсоли ӯ О.Р. боздошт шудааст. Ошкор гардидааст, ки бар асари муноқиша миёни онҳо ӯ ба шикаи М.З. бо корд якчанд зарба задааст.
Феълан ҷиҳати боз кардани парвандаи ҷиноӣ нисбат ба ноболиғ О.Р. мутобиқи моддаи 110 (Қасдан зарари вазнин расонидан ба саломатӣ) чораҳо андешида мешаванд.
