Дар остонаи фарорасии моҳи шарифи Рамазон ҳукумати Шоҳигарии Арабистони Саудӣ ба Тоҷикистон кӯмаки ғизойӣ мерасонад.
Ба гуфтаи котиби матбуотии сафорати Арабистони Саудӣ дар Тоҷикистон Салмон ал-Моликӣ, ҳаҷми кӯмак 200 тоннаро ташкил дода, он асосан аз хурмо иборат хоҳад буд. Имрӯзу пагоҳ кӯмак ба Тоҷикистон оварда мешавад.
Хурмо меваи дӯстдоштатарини пайғамбар ҳазрати Муҳаммад (с) буд. Дар китоби Қуръони Карим калимаи «хурмо» беш аз 20 маротиба зикр мегардад. Дарахти хурмо нисбат ба дигар дарахтони мевадиҳанда бештар бо Ислому мусулмонон тавъам дониста мешавад. Моҳи Рамазон хурмо яке аз маҳсулоти асосии ғизойии мусулмонон тамоми ҷаҳон ба шумор меравад.
