Имрӯз дар Душанбе таҳти унвони «Воситаҳои пурсамари ҳифзи ҳуқуқи муҳоҷирони корӣ: нақши Омбудсменҳои Осиёи Марказӣ ва Русия» конфронси дурӯза ба кор шурӯъ мекунад.
Чорабинӣ дар доираи Барномаи минтақавии муҳоҷират дар минтақаи Осиёи Марказӣ ва Русия бо ташаббуси ташкилоти СММ Занон, Созмони байнулмилалии муҳоҷират ва Бонки ҷаҳонӣ бо дастгирии ҳукумати Бритониёи Кабир ва лоиҳаи «Таҳкими имконоти Ваколатдор оид ба ҳуқуқи инсон дар Тоҷикистон оид ба ҳифзи ҳуқуқи муҳоҷирони корӣ» баргузор шуда, аз ҷониби Барномаи Швейтсария оид ба ҳуқуқи инсон маблағгузорӣ мегардад.
Конфронс аз ҷониби Дафтари Ваколатдор оид ба ҳуқуқи инсон дар Тоҷикистон дар ҳамдастӣ бо ташкилоти ғайридавлатӣ (ТҒД)-и «Маркази ҳуқуқ инсон» созмон дода мешавад. Ҳадаф аз баргузори конфронс таҳкими ҳамкорӣ миёни Омбудсменҳои минтақаи Осиёи Марказиву Русия ва ТҒД баҳри баланд бардошти масъулияти онҳо дар ҳифзи ҳуқуқҳои муҳоҷирони корӣ ва оилаҳои онҳо ва таҳияи механизми амалии ҳамкорӣ дар ин самт унвон мешавад.
