Бо пешниҳоди раиси шаҳри Душанбе Маҳмадсаид Убайдуллоев, дар Маҷлиси вакилони халқи шаҳри Душанбе дар бораи тағйири номи чанде аз кӯчаҳои пойтахт қарор қабул карда шуд.
Тавре ба ОИ «Азия-Плюс» сухангӯи раиси шаҳри Душанбе Шавкат Саидов хабар дод, бо мақсади абадӣ гардонидани хотираи Арбоби шоистаи фарҳанги Тоҷикистон Хайрулло Абдуллоев, кӯчаи ба номи Ватутини пойтахт кӯчаи ба номи Хайрулло Абдуллоев номгузорӣ шуд.
Ба қавли номбурда, ҳамчунин кӯчаи Сеченов ба исми Арбоби шоистаи фарҳанги Тоҷикистон Дамир Дӯстмуҳаммедов ва кӯчаи ба номи Фурманов ба исми Ходими шоистаи фарҳанги Тоҷикистон Фаттоҳ Одинаев тағйири ном карданд.
