Дар Тоҷикистон ҷараёни тозкунӣ ва тайёр кардани тухми пунбадона ба кишти баҳорӣ дар арафа анҷомёбист.
Тибқи маълумоти Раёсати тухмипарварӣ ва дастовардҳои селексионии Вазорати кишоварзӣ барои ҳосили соли 2013 дар ҷумҳурӣ беш аз 47 ҳазор тонна тухми пахта захира карда шудааст, ки миқдори 42190 тоннаи он (80%) коркард карда шуд. Аз ҳисоби коркард 22679 тонна чигити тухмӣ истењсол карда шудааст.
Ба иттилои манбаъ, дар ҷумҳурӣ 4 адад корхонаҳои пунбатозакунӣ барои лучаккунии пунбадонаи тухмӣ машғул мебошанд. Дар хоҷагии Э.Бойматоваи ноҳияи Конибодом чигити навъи Ориёӣ-(R-1) ба миқдори 10,5 тонна, навъи Флора ва Кармен ба миқдори 9,5 тонна аз захираи соли 2011, дар ҶДММ «Олимпия»-и ноҳияи Бобоҷон Ғафуров аз захираҳои соли гузашта 6 тонн навъи Неъмат (R-1),ҶСШК «Ваҳдат»-и ноҳияи Бохтар 14 тонна навъњои Флора ва Кармен ва ҶСШК «Утаган-КА-и шаҳри Турсунзода навъи Намангон-77 (R-1) 10 тонна чигити тухмӣ лучак карда шудааст.
Зимнан зикр мегардад, ки айни замон дар корхонаҳои лучаккунии тухми пахта коркард идома дорад.
