Созмони байнулмилалии ҳомии ҳуқуқи Афви Байнулмилал (Amnesty International) аз ҳукуматдорони Украина даъват ба амал овардааст, ки аз истирдоди собиқ нахуствазири ҷумҳурӣ Абдумалик Абдуллоҷонов ба То
ҷ
икистон даст кашанд, зеро дар он ҷо ба ӯ истифодаи шиканҷа ва
на
қ
зи
ҷиддии
ҳуқуқи инсон таҳдид мекунанд.
Дар изҳороти худ Amnesty International ҳамчунин аз ҳукуматдорони Украина даъват кардааст, ки фавран Абдумалик Абдуллоҷоновро озод намоянд.
Созмон аз он изҳори нигаронӣ кардааст, ки дар сурати ба Тоҷикистон истирдод шудани Абдуллоҷонов, ӯ ба мурофиаи судии ғайримунсифона дучор шуда, мавриди шиканҷа ва дигар навъҳои муносибати бераҳмона қарор мегирад. Афви Байнулмилал аз ҳукуматдорони Украина ҳамчунин даъват кардааст, ки тамоми дархостҳои Тоҷикистон дар бораи истирдоди Абдуллоҷоновро рад намуда, ба ӯ дастрасӣ ба баррасии беғаразонаи пешниҳоди паноҳгоҳро таъмин созанд.
Гуфта мешавад, солҳои 1992-1993 Абдуллоҷонов ба ҳайси нахуствазири Тоҷикистон ифои вазифа намуда, пешвои маъруфи мухолифин мебошад. Соли 1997 ӯ дар содир кардани амалҳое, чун иштирок дар ҷинояткории муташаккилона ва тахрибкор
ӣ
, инчунин дастгирии ошӯби полковник Маҳмуд Худойбердиев дар шимоли кишвар айбдор карда шуд, вале худи Абдуллоҷонов ин айбномаҳоро инкор карда, соли 1999 дар ИМА
паноҳгоҳи сиёсӣ
гирифт.
«Дар пешорӯи маъракаи интихоботи президент ҳукуматдорони тоҷик ба чунин амалҳои худ тақвият мебахшанд, то ки аз ҷумла бо истифода аз таъқибот, қатъи фаъолият ё бастани сомонаҳо, тамоми интиқодгаронро ба хомӯш
ӣ
маҷбур созанд ва ба истирдоди онҳо ноил гарданд, – омадааст дар изҳорот. – Ҳолатҳои истифода аз шиканҷа дар Тоҷикистон хеле роиҷанд ва моҳи ноябри соли 2012 Кумитаи зидди шиканҷаи СММ «тасдиқи далелҳои сершумор ва мунтазами … истифодаи шиканҷа ва муносибати бераҳмона нисбати гумонбаршудагон аслан барои гирифтани баёноти эътирофи гуноҳ»-ро зикр карда буд».
Дар идомаи изҳорот гуфта мешавад, бо назардошти узвияти Украина ба Конвенсия дар бораи мақоми гурезагон, Конвенсияи зидди шиканҷа ва Конвенсияи Аврупо оид ба ҳуқуқи инсон, ин мамлакат набояд шахсро ба кишваре баргардонад, ки дар он ҷо ӯ метавонад ба хатари ҷиддии истифодаи шиканҷа ва дигар ҳолатҳои на
қ
зи ҳуқуқи инсон дучор гардад.
Ёдрас мекунем, ки чанде қабл Намояндагии минтақавии Раёсати Комиссари олии СММ оид ба умури гурезагон низ аз ҳукуматдорони Украина
дархост намуда буд
, ки ҳимояи собиқ нахуствазири Тоҷикистон Абдумалик Абдуллоҷонов, ки мақоми гурезаро соҳиб аст, таъмин карда шавад.
